"Real"ga sig‘magan yulduzni "Barselona" o‘z safiga qo‘shib olmoqchi
"Real"ning sobiq yarim himoyachisi va hozirda "Real Betis"da harakat qilayotgan Isko Alarkon yana top-klubda o‘ynashi mumkin.
"Todofichajes" nashri xabariga ko‘ra, 31 yoshli futbolchining transferiga Kataloniyaning "Barselona" klubi qiziqmoqda.
"Ko‘k-anorranglilar" Iskoni keyingi yozda erkin agentga aylanganda sotib olmoqchi. "Barsa" bosh murabbiyi Xavi Ernandes Iskoning o‘yiniga muxlis. Ispaniyalik xavbek 2013 yildan 2022 yilgacha "Real"da o‘ynagan.
Ispaniya chempionatining joriy mavsumida Isko 14 ta o‘yin o‘tkazib, ikkita gol urdi va ikkita golli uzatmani amalga oshirdi.
Fikrlar