"Roma" Pastoreni qanchaga sotmoqchi?

"Roma" rahbariyati argentinalik hujumkor yarim himoyachi Xaver Pastorening transfer narxini e’lon qildi.

TNT Sports tarqatgan xabarga qaraganda, “bo‘rilar” 32 yoshli futbolchini 10 million evroga baholamoqda. Unga "Zenit" va "Los-Anjeles Gelaksi" asosiy da’vogar sifatida e’tirof etilmoqda.

Pastore joriy mavsum “Roma” safida 15 ta o‘yinda maydonga tushdi va jamoasining 2 ta goliga assistentlik qildi. Transfermarket talqiniga ko‘ra, uning transfer narxi 8 mln evroni tashkil etadi.