Taklif etilgan maosh Ronalduning tanlovini o‘zgartiradi

Krishtianu Ronalduning “Manchester Yunayted”da ishlari kutilganidek ketmayapti. Portugaliyalik yulduz zaxira futbolchisiga aylanib qolganiga ko‘nika olmayapti.

Evropaning katta klublarida unga talab yo‘q. Devid Bekxem sobiq jamoadoshini AQShga – o‘zining “Inter-Mayami” klubiga olib ketmoqchi.

Devid Bekxem Ronalduning mehnatlarini qattiq qadrlaydigan ko‘rinadi. Angliyalik sobiq futbolchi 37 yoshli hujumchiga bir mavsum uchun 34 million evro miqdorida maosh va’da qilmoqda.

Ronalduning “Manchester Yunayted” bilan shartnomasi mavsum oxirida yakunlanadi. Bekxem transferni yanvar oyiga mo‘ljallagan.