Ronaldu Erik ten Xagga aql o‘rgatdi

“Manchester Yunayted”dan bosh murabbiy Erik ten Xag tufayli ketgan Krishtianu Ronaldu manchesterlik ustozi Erik ten Xagga yordamchi murabbiy Ruud van Nistelroyning gaplariga quloq tutishni maslahat berdi.

Ruud van Nistelroy faoliyati davomida “Manchester Yunayted”da besh yil to‘p tepgan va jamoaning eng zo‘r to‘purarlaridan bo‘lgan. Bu yoz niderlandiyalik mutaxassis yordamchi murabbiy sifatida Manchesterga qaytarildi.

- Agar Erik ten Xag ish davomida Ruudga quloq tutishi kerak. Van Nistelroy klubni ichidan yaxshi biladi va bu omil murabbiylar shtabiga katta yordam berishi mumkin.

Klub jamoada o‘ynaganlarning fikrini e’tiborga olishi shartyu men Rio Ferdinand, Roy Kin, Pol Skoulz, Gari Nevill, ser Aleks Fergyusonni nazarda tutyapman. Hozir bilimlarni inobatga olmay, faqat ofisda o‘tirib ishlaydigan xodimlar bilan pul bilan ishlaydigan xodimlar evaziga kuchli klub tashkil qilib bo‘lmaydi.

Buning uchun futbolni tushunadigan, umri kiyim alishtirish xonasida o‘tgan odamlar kerak. Ular futbolchilar bilan til topishishni biladi, - dedi Krishtianu Ronaldu.