Sablyachi yigitlarimiz Osiyo chempionatida bronza medalini qo‘lga kiritishdi

Indoneziyaning Bali shahrida o‘tkazilayotgan qilichbozlik bo‘yicha Osiyo chempionatida O‘zbekiston terma jamoasi yana bir medalga erishdi. Bu gal sablyachi yigitlarimiz jamoaviy dasturda shohsupaga ko‘tarildilar.

Dastlabki bosqichda Makaoni 45:15 mag‘lub etgan hamyurtlarimiz chorak finalda Xitoydan 45:43 hisobida ustun kelishdi. Biroq murosasiz kechgan yarim final jangida Yaponiyaga 44:45 hisobida imkoniyat boy berildi.

Uchinchi o‘rin uchun kechgan bellashuvda esa Gonkong 45:39 hisobida mag‘lub etildi.