“Salernitana” Shomurodovdan bezillab qoldi. Assist qilgan Eldorning o‘yini qanday baholandi?

Italiya chempionatining to‘qqizinchi turida “Kalyari” o‘zi kabi autsayderlar biri “Salernitana” mehmoni bo‘ldi.

Yuqori divizionda qolish uchun kurashayotgan har ikki jamoaning o‘zaro to‘qnashuvi qizg‘in va murosasiz kurashlar ostida o‘tdi. Gollar o‘yin oxirlarida kiritildi. “Kalyari” 79-daqiqada Zito Luvumboning golidan so‘ng, hisobni ochdi. 86-daqiqada Bulaye Dia vaziyatni tenglashtirli.

84-daqiqada zaxiradan o‘ringa qo‘shilgan Eldor Shomurodov maydonga tushganidan to‘rt daqiqa keyin jamoasining ikkinchi goliga assistentlik qildi. O‘zbek legionerining super zarbasini Nikolas Viola darvoza to‘riga joylaydi.

Eldor Shomurodovning A Seriyadagi so‘nggi goli o‘tgan mavsumda aynan “Salernitana”ga qarshi o‘tkazilgan uchrashuvda kiritilgan. O‘shanda “Spetsiya” safida o‘ynagan Shomurodov raqib darvozasini ishg‘ol qilib, jamoasiga bir ochko olib bergandi.

Biroq sardiniyaliklarga mavsumdagi ilk g‘alabasini nishonlash nasib qilmadi. Uchrashuv qahramoni bo‘lib turgan Nikolas Viola o‘z jarima maydonchasi ichida qo‘li bilan o‘ynadi. Penaltini Dia bexato bajarib, mezbonlarni mag‘lubiyatdan qutqarib qoldi.

Kalyari, nesmotrya na dvukratnoe preimuщestvo nad Salernitanoy, vynujden v ocherednoy raz otlojit vstrechu s vorotami. Nije privedeny tabeli uspevaemosti rossoblù:

Italiya futbolini yoritib kelayotgan https://www.tuttocagliari.net sayti ekspertlari “Kalyari” jamoasi o‘yinchilari harakatini quyidagicha baholadi.

Skaffet 6 – O‘yinning birinchi qismida “Kalyari” darvozaboniga ish topilmadi. Biroq bellashuvning oxirida ikkita to‘p o‘tkazib yubordi.

Nandez 6 – O‘ng qanot himoyachisi sifatida juda yaxshi o‘ynadi. U raqibdan to‘pni olib qo‘yish va

Dzappa 6 – Nandesni o‘rniga maydonga tushgan Dzappa ko‘p vaziyatlarda aniq o‘ynay olmagan bo‘lsa-da, ko‘pincha jamoaga foyda keltirdi.

Goldaniga 6 – Ma’lum muddatdan keyin asosiy tarkibga qaytgan futbolchi o‘zini ko‘rsatishga va bexato o‘ynashga e’tibor qaratdi.

Dossena 6,5 – Himoyani mustahkam ushlab turdi. Raqibning gollari Dossena o‘rnini Obertga bo‘shatib berganidan yuzaga keldi.

Obert 4,5 – “Salernitana” birinchi marta hisobni tenglashtirganida raqibga hech qanday qarshilik ko‘rsata olmadi.

Aujello 6 – Himoyaga qaraganda hujumda erkinroq to‘p tepdi. Raqib hujumchilari uni ancha qiynab qo‘ydi.

Deyola 6,5 – Jamoa uchun ko‘p ter to‘kdi. Birinchi bo‘limda xavfli hujum tashkil qildi.

Prati 6,5 — Bu o‘yinchi maydon markazidagi ustunlikni ta’minlab berishga harakat qildi. Uzoq masofadan zarba berishga e’tibor qaratdi.

Makumbu 6 – Bo‘sh hududlarni ochish va jamoadoshlariga aniq paslar uzatish borasida o‘zini ko‘rsatdi. O‘yin oxiridagi xato jamoaga qimmatga tushishi mumkin edi.

Mankosu 6,5 – Oldingi chiziqda ancha faol o‘ynadi. Uning ishtirokidagi gol o‘yindan tashqari holat tufayli inobatga olinmadi.

Viola 7 – Ikkinchi bo‘limning ilk daqiqasida maydonga tushirilgan futbolchi hujumni kuchaytirdi va gol urdi. O‘yin qahramoni so‘nggi daqiqalarda penaltiga sababchi bo‘lib qoldi.

Oristanio 6 – Har galgidek juda faol o‘ynadi. Hujum tashkil qilishda jonbozlik ko‘rsatdi.

Yankto 6,5 – 63-daqiqadan o‘yinga yaxshi qo‘shildi. Birinchi golda Luvumboga aniq pas uzatdi.

Luvumbo 7 — Raqiblar bu hujumchini to‘xtatishga qiynalyapti. Bu gal ham aynan Zito gollar hisobini ochib berdi. 84-daqiqada o‘rnini Eldor Shomurodovga bo‘shatdi.

Shomurodov 6,5 – O‘yinga juda faol kirishdi. Jamoasining ikkinchi golida Violaga juda qulay pas uzatdi. Uning assisti jamoani hisobda oldinga olib chiqdi.

Raneri 6,5 – “Salernitana”ga qarshi o‘yinda Raneri shogirdlari butun uchrashuv davomida ustunlik qildi. Biroq bu ilk g‘alabani nishonlashga kamlik qildi.

Ekspert Shomurodov nega gol ura olmayotganini tahlil qilib berdi

G‘alaba goli hisobga olinmagan Fayzullaev o‘yindan keyin nimalar dedi?

Ekspert: Muammo Shomurodovda emas, bunaqada hech qaysi hujumchi o‘zini ko‘rsata olmaydi!

Beshta manba Shomurodov haqida xavotirli xabar chiqardi

Evropada O‘zbekiston g‘alabasi qanday baholandi?

Evropada O‘zbekiston o‘yiniga e’tibor qaratishdi

“Lans”: Husanov uchun hali hammasi oldinda

Shomurodov - arzon jamoaning qimmat o‘yinchisi!