Saloh Luis Suaresni ortda qoldirdi

"Liverpul" hujumchisi Muhammad Saloh Angliya premer-ligasining 17-turidan o‘rin olgan "Uotford" (2:0) ga qarshi bellashuvda hisobni ochdi.

Bu 27 yoshli futbolchining "Liverpul" safidagi 126-o‘yinidagi 83-goli bo‘ldi.

Uchrashuv yakuni arafasida misrlik futbolchi bahsda dubl qayd etib, o‘zining "Liverpul"dagi 84-golini kiritishga ulgurdi.

Bu bilan, Saloh hozirda "Barselona" sharafini himoya qilayotgan Luis Suaresni ortda qoldirishga erishdi. Urugvaylik futbolchi "Liverpul" safida 133 ta bellashuv o‘tkazib, 82 ta gol urgan.