Samarqandning "Dinamo" klubi bosh murabbiy masalasiga oydinlik kiritdi

Yangi mavsumga tayyorgarlikni Samarqanddagi qarorgohida olib borayotgan «Dinamo» jamoasi bir qator futbolchilar bilan xayrlashdi. Bu haqda klub matbuot xizmati xabar berdi.

«Dinamo» jamoasi Akmal Xolmurodov, Bahodir Nasimov, Mirkomil Lokaev, Sardor Eminov, Dilmurod Karimov, Abbos Shodmonov, Siroj Hamroev singari futbolchilar bilan xayrlashdi. Ixtiyor Toshpo‘latov esa «Metallurg» klubiga transfer qilindi. Darvozabon Botirali Ergashev esa «Qo‘qon-1912» jamoasiga bir yilga ijaraga berildi.

Samarqand viloyat futbol assotsiatsiyasi prezidenti, viloyat hokimi Erkinjon Turdimov va klub rahbariyati qaroriga ko‘ra, Tachmurod Agamurodov jamoadagi bosh murabbiylik faoliyatini davom ettiradi. Uning oldiga klubni Superligaga olib chiqish vazifasi qo‘yiladi. Pro-liga yangi mavsumi oldidan jamoa tarkibiga yangi futbolchilar taklif etilishi rejalashtirilgan.