Sardor Rashidov va Jasur Yaxshiboevning "Real" bilan bog‘liq holati haqida - Diyor Imomxo‘jaev

  • 29 sentabr, 2021, 15:16
  • Bekzod Isayev
  • 1
  • Futbol
CHERY AUTO

Evropa Chempionlar ligasi 2-turida "Real" - "Sherif" bahsi bo‘lib o‘tdi. Uchrashuvda 2:1 hisobida hamyurtimiz Jasur Yaxshiboev to‘p tepayotgan moldovaliklar g‘alaba qozondi.

O‘yinning 25-daqiqasida Yaxshiboev hisobni ochgani e’tiborga molik. Ushbu voqeaga PFL bosh direktori vazifasini bajaruvchi Diyor Imomxo‘jaev telegramdagi sahifasida o‘z fikrlarini bayon qildi.

- Bugun o‘zbek futbolida yana bir tarixiy voqea: Jasur Yaxshiboev "Santyago Bernabeu"da "qirollik klubi" darvozasini ishg‘ol qildi va uning jamoasi yakunda Madriddan 3 ochko bilan qaytadigan bo‘ldi. "Sherif"dan kim shunday startni kutgandi?

O‘z vaqtida klublar o‘rtasidagi jahon chempionatida "Real"ga qarshi o‘ynash uchun Sardor Rashidov BAA jamoasini tanlasa-da, bu futbolchimizga nasib qilmagandi. Yaxshiboev esa kamtar "Sherif" safida "Real" darvozasiga gol urishga erishdi. Orzu qilishdan va uni reallikka aylantirishdan hech ham cho‘chimang, - dedi Diyor Imomxo‘jaev.

photo_2021-09-29_01-56-00

Fikrlar

Sort comment:
Fikr qoldirish uchun avtorizatsiyadan o'ting!
ilhom ilhom
29/09/2021 16:05
bu bola ayrim holatlarda juda ham zo‘r o‘ynaydi, ayrim holatlarda oddiy hatoliklarga yo‘l qo‘yadi. uni eng katta kamchiligi o‘ng oyog‘i faqat yugurishga yaraydi. o‘ng oyoq 0. lekin chap oyag‘i supertalant.jasurni kuchli 5 likda kutamiz.
Javob yozish