Saudiya Arabistoni bosh murabbiyi: Himoyachilarim Salohni to‘xtatadi

Saudiya Arabistoni terma jamoasi bosh murabbiyi Xuan Antonio Pitstsi shogirdlarining sifatli o‘yini haqida so‘zladi va ularga ishonch bildirayotganini aytdi.

“Bizda ajoyib himoyachilar bor. Jamoa va uning a’zolari mahoratiga to‘laligicha ishonaman. Muhammad Salohga qarshi hech qanday reja tuzmaymiz, bizda uni to‘xtata oladigan himoyachilar bor”, – dedi Pitstsi.

Ma’lumot uchun, Saudiya Arabistoni JCh–2018 turniri “A” guruhidan joy olgan va pley-off bosqichiga chiqish uchun mezbon Rossiya, Misr va Urugvay bilan kuch sinashadi.