Serena Uilyams bosh sovrin uchun kurashni davom ettiradi

Amerikalik tennischi Serena Uilyams va sloveniyalik Tamara Zidanshek Avstraliya ochiq chempionatining ikkinchi davrasida o‘zaro raqobatlashdi.

Ular o‘rtasidagi uchrashuv Melburn shahrida o‘tkazildi. Unda Serena raqibini 6:2, 6:3 hisobida mag‘lubiyatga uchratdi.

Endi S.Uilyams "Australian Open" musobaqasining navbatdagi bosqichida xitoylik Tszyan Vanga qarshi kortga chiqadigan bo‘ldi.