Seten "Barsa"dan ketmaydimi?

"Barselona" klubi prezidenti Xosep Bartomeu jamoa bosh murabbiyi Kike Seten bilan uchrashuv o‘tkazdi.

Diario Sport nashri tarqatgan xabarga ko‘ra, “ko‘k-anor ranglilar” rahbari La Ligadagi muvaffaqiyatsizlikka qaramasdan, 61 yoshli mutaxassisni qo‘llab-quvvatlagan. Endi Kike joriy mavsum oxirigacha iste’foga chiqarilmaydi.

Shu bois, EChLda ham “Barselona”ni aynan Seten boshqaradi. Ammo, ayrim manbalarga ko‘ra, Kike Seten o‘z arizasiga binoan ishdan bo‘shashi ham mumkin.