Shota Arveladze: Ikkinchi bo‘limda o‘yinni o‘zgartirdik

"Paxtakor" bosh murabbiyi "Yashnobod"ga (5:0) qarshi bo‘lib o‘tgan O‘zbekiston Kubogi bahsidan keyin matbuot anjumanida fikrlarini bildirdi.

- Birinchi bo‘limda raqib bizni keskin pressing qildi, buning uchun ularni olqishlash kerak. Biz esa uncha tez o‘ynay olmadik. Ikkinchi bo‘limda esa barchasini o‘zgartirdik. Juda yaxshi o‘ynab, ketma-ket imkoniyatlarga ega bo‘ldik. O‘ylashimcha, oldindan kutilganidek saviya orasidagi farq o‘zini bildirdi. Har uch musobaqadagi navbatdagi bellashuvlarga tayyorgarlik ko‘rishda davom etamiz.