"Siti" 80 million evrolik transferni amalga oshirish arafasida

Omar Marmush katta ehtimol bilan faoliyatini "Manchester Siti"da davom ettiradi. 

"Shaharliklar" "Ayntraxt" forvardini 80 million evro evaziga o‘z safiga qo‘shib olish bo‘yicha kelishuvga erishish arafasida, deya xabar berdi "Footmercato".

Manbaga ko‘ra, tomonlar 25 yoshli misrlik futbolchining qachon "Etihad"ga ko‘chib o‘tishi masalasini hal qilishi kerak. Marmushning o‘zi allaqachon "Siti" bilan kelishuvga erishgan va qishdayoq APLga o‘tmoqchi. 

Omar joriy mavsum barcha turnirlar doirasida 24 bellashuvda jami 18 ta gol va 12 ta golli uzatma muallifiga aylangan.