Superkubokda kim g‘alaba qozonadi: "Nasaf" yoki "Paxtakor"? Muxlislar ovoz berdi (So‘rovnoma)

Yaypanda "Nasaf" ham "Paxtakor" o‘rtasidagi Superkubok bahsi boshlanish arafasida. "O‘zbekiston" arenasidagi bellashuv 16:00da start oladi.

Uchrashuvdan avval SPORTS.uz saytining telegramdagi sahifasida muxlislar o‘rtasida so‘rovnoma o‘tkazildi. Ya’ni "Sizningcha, O‘zbekiston Superkubogida kim g‘alaba qozonadi?" degan savol bilan murojaat qilindi. So‘rovnomada 2210 ta odam ishtirok etdi.

Unga ko‘ra kuzatuvchilarning 68 foizi "ajdarlar"ning ustunligini taxmin qildi. 32 foiz ovoz esa "sherlar"ning g‘alabasini belgilagan.

Ko‘ramiz, o‘yinda kim g‘alaba qozonarkin? Muxlislar fikri to‘g‘rimi yoki aksi!