"Surxon" sobiq futbolchilarini qaytaryapti

“Surxon” klubi Anxel Lopes boshchiligidagi mashg‘ulotlarini davom ettiryapti. Kecha Toshkentda “Yangier” jamoasiga qarshi nazorat uchrashuvi o‘tkazildi. Ushbu bahsda “Surxon” 2:1 hisobida raqibidan ustun keldi. Murod Bobojonov bilan Iqbol Malikjonovning gollari g‘alaba uchun etarli bo‘ldi.

Tarkibdagi oxirgi o‘zgarishlarga kelsak, “Surxon” sobiq o‘yinchilarini ortga qaytaryapti. Masalan, Zohir Pirimov bilan Javohir Sohibov yana termizliklar safiga qaytgan. O‘tgan yili “Surxon”da to‘p surgan Murod Bobojonov ham yana jamoasining mashg‘ulotlariga qo‘shilganini aytish joiz. Shu kunlarda klub yangi o‘yinchilar bilan shartnomalar imzolaydi.