"Surxon"ning "Mash’al"ga qarshi o‘yini boshqa stadionda bo‘lib o‘tadi

5 aprel kuni O‘zbekiston Kubogining «B» guruhidan joy olgan «Surxon» — «Mash’al» uchrashuvi «Jar» stadionida bo‘lib o‘tadi.

Bungacha «Surxon» o‘z uy uchrashuvlarini «Paxtakor» stadionida o‘tkazib kelayotgandi. Biroq 5 aprel kuni «Paxtakor» O‘zbekiston ayollar terma jamoasining Parij-2024 saralashi doirasidagi Butanga qarshi o‘yiniga mezbonlik qiladi. Shundan kelib chiqib, «Surxon» faqatgina 1 ta uchrashuvga «Jar» bilan kelishuvga erishdi. 

«Surxon» — «Mash’al» o‘yini 18:00 da start oladi.

O‘zPFL matbuot xizmati.