Tayson Fyuri WWEdagi debyuti uchun dahshatli gonorarga ega bo‘ladi! Ammo bu borada ikkinchi, rekordchi esa...

Boks bo‘yicha super og‘ir vazn toifasidagi sobiq jahon chempioni Tayson Fyuri restlingdagi (World Wrestling Entertainment,)  debyut jangi uchun 15 mln dollar oladi. Ma’lumki, Fyuri mazkur yo‘nalish bo‘yicha 31 oktyabr kuni Saudiya Arabistonida Braun Stroumenga qarshi jang qiladi.

Yana bir e’tiborga molik jihati, bu boradagi eng ko‘p gonorarni qo‘lga kiritish borasida ham britaniyalik bokschi ikkinchi o‘ringa ko‘tarilib oldi. U endi faqatgina besh vazn toifasidagi sobiq jahon chempioni Floyd Meyvezerdan ortda qolmoqda. 2008 yilda Floyd “Big Shou”(Pol Rendall Uayt II )ni mag‘lub etgan va bu uchun amerikalik bokschi 20 mln dollarni qo‘lga kiritgandi.