Tezkor xabar! Ruslan Nuriddinovda doping aniqlandi. U 2 yilga diskvalifikatsiya qilindi

Halqaro og‘ir atletika federatsiyasining bayonotiga ko‘ra, o‘zbekistonlik og‘ir atletikachi Ruslan Nuriddinov 24 oy muddatga diskvalifikatsiya qilindi. Bu haqda O‘zbekiston Milliy antidoping agentligi xabar bermoqda.

Yuqoridagi manbaga ko‘ra, diskvalifikatsiya muddati davomida, ya’ni 2018 yil 18 dekabrdan boshlab 2020 yil 17 dekabrga qadar sportchi barcha sport tadbirlari va musobaqalarida ishtirok etish huquqidan mahrum etiladi.

2012 yil London Olimpiadasida Ruslan Nuriddinovdan olingan ikkita doping-sinamalarda taqiqlangan turinabol moddasi 2018 yilda qayta tekshirish natijasida aniqlangan.