Transfermarkt. Jaloliddin Masharipovning narxi ko‘tarildi

Transfer narxlari bilan shug‘ullanuvchi "Transfermarkt" portali futbolchilarning yangilangan bahosini ma’lum qildi.

Saudiya Arabistonining "Al-Nassr" jamoasi safida harakat qilayotgan legionerimiz Jaloliddin Masharipovning yangi narxi 3 million evro (avval 2.8 million evro) etib belgilandi.

Masharipov o‘zbekistonlik futbolchilar orasida 3-o‘rinda joylashgan. "Roma"da o‘ynayotgan Eldor Shomurodov yurtimizdagi eng qimmat futbolchi sanaladi.  Uning transferi 12 million evroga baholangan. Ikkinchi o‘rindagi Otabek Shukurov ("Sharja" BAA) 3.5 mln evro hisoblanadi.