Tuxel: Jamoamning o‘yiniga oshiq bo‘ldim

Tomas Tuxelning fikricha, "Bavariya" "Manchester Siti"dan mag‘lub bo‘lishga loyiq emasdi. 

Myunxen klubi Chempionlar ligasi 1/4 finali ilk uchrashvida "shaharliklar"ga 0:3 hisobida imkoniyatni boy berdi.

"Natijaga umuman qo‘shilmayman. Biz yaxshi o‘ynab turgan paytimizda jazolandik. Hisob 0:2'ga etguncha qadar jamoam yaxshi o‘ynayotgandek tuyuldi. Hisobga ortiqcha to‘xtalib o‘tish niyatim yo‘q.  

O‘ylaymanki, kamida bitta gol urishga haqli edik. Futbolchilarimizga biroz ishonch va tayyorgarlik etishmadi. 

Albatta, natija biz uchun og‘ir. Biroq bugun jamoamga va yigitlarimning o‘yiniga oshiq bo‘ldim. Garchi, bu g‘alati tuyulsa ham", - dedi "Bavariya" ustozi.