Tuxel yana ikki futbolchisi jarohat olganini ma’lum qildi

"Chelsi" bosh murabbiyi Tomas Tuxel APL doirasidagi "Uotford"ga qarshi o‘yin oldidan o‘z fikrlari bilan o‘rtoqlashdi. Uning aytishicha, Kovachich va Kante mazkur bahsni o‘tkazib yuboradi. 

"O‘Z-o‘zidan Chiluell ushbu to‘qnashuvni o‘tkazib yuboradi. Qolaversa, biz bu uchrashuvda Kovachich va Kante xizmatidan ham foydalana olmaymiz. Ular jarohatidan to‘liq sog‘ayib ulgurmadi. Lukaku esa mashg‘ulotlarda ishlayapti va avvalgi darajasiga qaytmoqda", - dedi murabbiy. 

Eslatib o‘tamiz, "Uotford" va "Chelsi" o‘yini 2 dekabr kuni 00:30da start oladi. Ayni damda "ko‘klar" 30 ochko bilan turnir jadvalida peshqadamlik qilmoqda.