Xavi Messining "Inter Mayami"ga o‘tgani haqida: "U xotirjam oilaviy hayot kechirishni istaydi"
"Barselona" bosh murabbiyi Xavi sobiq jamoadoshi Lionel Messining "Inter Mayami"ga o‘tgani haqida o‘z fikrlari bilan o‘rtoqlashdi.
"Biz uning qarorini hurmat qilishimiz kerak. Messi bo‘lish oson emas. Leo tinchlikda yashay olmaydi, buni ko‘pchilik juda yaxshi biladi.
U qiyin bosqichni boshidan kechirdi va ortiq e’tibor ostida bo‘lishni istamayapti. Messi xotirjam oilaviy hayot kechirishni xohlaydi", - dedi ispaniyalik murabbiy.
Eslatib o‘tamiz, Lionelni "Inter Mayami" klubidan tashqari "Barselona", "Al-Hilol" kabi jamoalar ham o‘z tarkibiga qo‘shib olmoqchi edi.
Fikrlar