Yaxshiboev Belarus va O‘zbekiston chempionatini taqqosladi

Faoliyatini ijara asosida Belarusning "Energetik-BGU" klubida davom ettirayotgan hamyurtimiz Jasur Yaxshiboev OFK rasmiy saytiga bergan intervyusida Belarus Oliy Ligasi va O‘zbekiston Superligasini taqqosladi.

"Agar, bu ikki chempionatni taqqoslaydigan bo‘lsak, o‘yin uslubi borasida farq bor. Ikkala chempionatning ham saviyasi yaxshi, o‘ziga xos kuchli jihatlari bor. Bu erda Evropaga yaqin bo‘lgan futbol uslubidagi o‘yin namoyish etiladi. Belarus chempionatining saviyasi ham yaxshi", - dedi Yaxshiboev.