"Yuve" Raboni sotmoqchi emas

Italiya matbuoti xabariga ko‘ra, Turinning "Yuventus" klubi yarim himoyachi Adrien Rabo bilan yaqin vaqtlar ichida xayrlashishni rejalashtirmayapti.

Rabo klubning eng ko‘p maosh oluvchi futbolchilaridan biri bo‘lishiga qaramasdan "keksa sinora" uni transferga qo‘yishga shoshilmayapti.

Ta’kidlanishicha, "Yuve" rahbariyati fikriga ko‘ra, hozirgi moliyaviy yo‘qotishlar davrida frantsiyalikning transfer narxi yuqori bo‘lmaydi.

Rabo joriy mavsumda A Seriyada 17 ta o‘yinda maydonga tushgan.