Deklan Rays: "Bu mag‘lubiyat bizni yanada kuchaytirdi"

Deklan Rays Angliya Liga kubogi finalidagi mag‘lubiyatdan so‘ng fikr bildirdi.

Londonning "Arsenal" jamoasi hal qiluvchi bahsda "Manchester Siti"ga 0:2 hisobida yutqazib qo‘ydi.

"Finaldagi mag‘lubiyat bizni belgilab bermaydi. Aksincha, bu bizda yanada ko‘proq g‘alabaga chanqoqlik uyg‘otadi, mavsumni yuqori notada yakunlash uchun.

Ajoyib muxlislarimizga katta rahmat. Har doimgidek biz bilan bo‘lganingiz uchun minnatdormiz. Tanaffusdan keyin ko‘rishamiz", — dedi Rays.

Ma’lumot uchun, "Arsenal" navbatdagi o‘yini 4 aprel kuni "Sautgempton"ga qarshi Angliya Kubogi chorak finali doirasida o‘tkazadi.