Евро-2020. Англия - Хорватия учрашуви тақдирини биргина гол ҳал этди

Европа чемпионати 1-туридан ўрин олган Англия - Хорватия учрашуви ўз якунига етди. Унда инглизлар 1:0 ҳисобида зафар қучди.

Ўйин тақдирини Стерлинг томонидан киритилган биргина гол ҳал этиб берди. Дарвозабон билан бирга-бир вазиятга чиқиб борган Рахим дарвозабонни ожиз қолдирди.

Шу тариқа, Англия гуруҳ пешқадамлигини қўлга олди. Бу квартетдаги иккинчи ўйин Шотландия - Чехия ўртасида бўлиб ўтади.

Англия

  • Рахим Стерлинг 57'

Чемпионат Европы. Группа D 1-тур

13/06/2021, 18:00

1
:
0
Тугади

Хорватия

    Стадион: Wembley 18497 томошабин

    Бош ҳакам: Daniele Orsato

    45'
    90'

    • 90+4'

      Учрашув якунланди. Марказий ўйинда Англиянинг қўли баланд келди.

    • 90+3'

      Сўнгги сонияларни хорватияликлар олдинги чизиқда ўтказмоқда. Камбэк кўрамизми?!

    • 90+1'

      Ҳозирча ягона бўлиб турган гол муаллифи Стерлинг ўрнига Кальверт-Льюин ўйинга қўшилди.

    • 90'

      Ўйиннинг асосий вақтига 4 дақиқа қўшиб берилди.

    • 89'

      Жуд Беллингем рақиби билан жиддий тўқнашиб кетди. У бош қисмидан жароҳат олган бўлиши мумкин.

    • 88'

      Ҳимояга ёрдамга қайтган Стерлинг рақибни тўп йўқотишга мажбур қилди. 

    • 86'

      Чалета-Цар ҳужумда қоида бузди. Бу ҳам етмагандек, Стоунз ва Уокер билан жанжаллашди.

    • 84'

      Англияликлар бироз хотиржамликка берилмоқда. Бу уларга қимматга тушиши мумкин.

    • 82'

      Жуд Беллингам майдонга тушди. У Харри Кейнни алмаштиради.

    • 80'

      Далич шогирдлари катта иштиёқ билан олдинга ўтмоқда. ЖЧ-2018 ярим финали такрорланадими?!

    • 78'

      Анте Ребич ўз ўрнини Бруно Петковичга бўшатиб берди.

    • 77'

      Сўнгги дақиқаларда хорватлар анча фаол ўйин намойиш этмоқда.

    • 75'

      Жон Стоунз майдонда ётибди. Шифокорлар унга ёрдам бериш учун етиб келди.

    • 74'

      Рахим Стерлингнинг яқин масофадан берган зарбаси анча баланддан ўтиб кетди. Қулай имконият қўлдан кетди.

    • 73'

      Жарима майдони ичидаги тўп учун курашда Уокер Перишични зарарсизлантирди. Пикфорд тўпни эгаллаб олди.

    • 71'

      Далич ўзгаришни бошлади: Крамарич ва Брозович ўрнига Брекало ҳамда Влашич ўйинга қўшилди. Англия сафида эса, Маркус Рэшфорд Фил Фоденни алмаштирди.

    • 70'

      Модричнинг жарима майдонига оширган тўпи қайтарилди. Брозовичнинг такрорий уринишига аниқлик етишмади.

    • 69'

      Хорватияликлар бурчакдан тўпни ўйинга киритиш имкониятин қўлга киритди.

    • 67'

      Маунтнинг узоқ бурчакка йўллаган зарбасидан кейин тўп тўсин юқорисидан ўтиб кетди. Хавфли вазият.

    • 67'

      Англияда қулай позициядан стандарт юзага келди. Тўп ёнида Мэйсон Маунт.

    • 66'

      Жарима майдонига ёриб кираётган Маунтни қўллари билан тортиб тўхтатган Брозович огоҳлантирилди.

    • 65'

      Анте Ребичнинг яқин масофадан йўллаган зарбасига аниқлик етишмади.

    • 64'

      Фил Фоденга сариқ карточка кўрсатилди.

    • 62'

      Тўпга зарба бериш учун интилган Харри тўсинга урилиб кетди. Унга тиббий ёрдам кўрсатилмоқда.

    • 61'

      Маунтнинг узатмасидан кейин Кейн яқин масофадан ноаниқ зарба йўллади.

    • 59'

      Голдан руҳланган инглизлар олдинга ўтишда давом этмоқда.

    • 57'

      ГООООООООЛ! Англия ҳисобни очди!

      Филлипснинг узатмасидан кейин бирга-бир вазиятга чиқиб борган Стерлинг дарозабонни ожиз қолдирди.

    • 55'

      Лука Модричнинг олис масофадан берган зарбасини Пикфорд эгаллаб олди.

    • 53'

      Кейннинг кесиб узатган тўпи Стерлингга қадар етиб бормади.

    • 52'

      Инглизлар ҳимояланишига тўғри келмоқда. 

    • 50'

      Иккинчи 45 дақиқаликда хорватияликлар нисбатан фаолроқ кўриняпти.

    • 48'

      Маунтга нисбатан қоида бузган Ковачичга сариқ карточка кўрсатилди.

    • 47'

      Иван Перишич воқеалар ривожидан бироз илгарилаб кетди. Ҳакам байроқчасини кўтарди.

    • 46'

      Иккинчи тайм бошланди!

    • 46'

      Футболчилар майдонга қайтди. Биз ҳам қайтамиз!

    • 45'

      Биринчи таймга вақт қўшилмади. Танаффус!

    • 43'

      Триппьернинг зарбасидан кейин тўп жонли девордаги Перишичдан ўтмади.

    • 42'

      Англияда қулай нуқтадан стандарт вазият. Фақатгина бир муаммо: ким тепади?

    • 42'

      Жарима майдонига кираётган Стерлингни қўполлик эвазига тўхтатиб олган Чалета-Цар огоҳлантирилди.

    • 40'

      Инглизлар назоратни тортиб олишга ҳаракат қилмоқда. Бироқ уринишлар фойдасиз якунланяпти.

    • 37'

      3 рақиби қуршовида қолиб кетган Фоден зарба бера олмади. Тўп ҳам йўқотилди.

    • 35'

      Ўйин темпи пасайди. Тайм сўнгига қадар 10 дақиқа бор.

    • 33'

      Тўлиқ назорат Далич шогирдлари томонга ўтиб кетди.

    • 31'

      Жарима майдонига оширилган тўпни Мингз узоқлаштирди.

    • 29'

      Англия "ричагни тортди". Хорватияликлар ташаббусни ўз қўлига олмоқда.

    • 27'

      Перишич тўпга мослаша олмади. Қулай имконият қўлдан кетди.

    • 26'

      Стерлинг томонидан берилган зарбага аниқлик етишмади.

    • 24'

      Сўнгги дақиқаларда Далич шогирдлари анча фаоллашиб қолди. 

    • 22'

      Рақибнинг кучли босимига дош берган хорватлар секин-асталик билан олдинга ўта бошлаяпти.

    • 20'

      Стерлинг оширган тўп жамоадошларига қадар етиб бормади.

    • 19'

      Калвин Филлипснинг олим масофадан йўллаган зарбасини дарвозабон қайтарди.

    • 17'

      Маунтнинг узатмасидан сўнги Кейн ноаниқ зарба йўллади.

    • 16'

      Филлипсга нисбатан ишлатилган қўполлик натижасида англияликлар стандарт вазиятга эга бўлди.

    • 15'

      Тўп назорати бўйича устунлик 64:36, инглизлар фойдасига.

    • 13'

      Тўп рақибга ўтган пайтда мезбонлар эрта прессинг уюштирмоқда.

    • 11'

      Тўлиқ устунлик Саутгейт шогирдлари томонда бўлиб турибди. Хорватия шокда.

    • 9'

      Калвин Филлипснинг уринишидан кейин дарвозабон тўпни қайтарди.

    • 8'

      Жарима майдони ичида кирган Стерлинг яқин масофадан зарба бериш мумкин эди. Ортдан етиб келган ҳимоячи унга ҳалал беришни уддалади.

    • 7'

      Жамоадоши узатган тўпга Рахим Стерлинг ета олмади.

    • 5'

      Фил Фоденнинг жарима майдони ичидан йўллаган зарбаси устундан қайтди. "Уч шерлар"да анча фаол старт!

    • 3'

      Илк дақиқалардан инглизлар тўп назоратини қўлга олишга ҳаракат қилмоқда.

    • 1'

      Ўйин бошланди!

    Матнда хатолик топсангиз, ўша хатони белгилаб, бизга жўнатинг (Ctrl + Enter)

    Минбар

    Барча блоглар