Футболчилар айтганимни қилмаса, кетаман!

“Барселона” мавсумни кутилганидан паст даражада бошлади. Каталонияликлар Чемпионлар лигасида йирик  ҳисобда мағлубиятга учради, Ла Лигада бешта учрашувдан учтасида очко йўқотди.

Кейинги пайтда клуб раҳбарияти нидерландиялик мутахассис Рональд Куман ўрнига бошқа мураббий қидираётгани ҳақида кўп хабарлар чиқмоқда.

Бироқ, Куманнинг ўзи келажагидан хавотирга тушаётгани йўқ. У қайси ҳолатда истеъфо бериши мумкинлигига очиқлик киритди.

- “Барселона”ни футболчилар менинг кўрсатмаларимни бажаришдан бош тортсагина тарк этаман. Ҳозир эса, ҳаммаси жойида ва йигитлар гапимга қулоқ тутяпти ва мени яхши тушуняпти. Улар билан машғулот ўтказилган кун – энг ажойиб дамлардир, - деди Рональд Куман.