"ЖЧ-2026": Аргентина камбэк амалга ошириб, чорак финалга чиқди!

АҚШ, Канада ва Мексика давлатлари мезбонлик қилаётган Жаҳон чемпионатининг 1/8 финал босқич баҳслари давом этмоқда. Ушбу босқич доирасида Аргентина ва Миср миллий терма жамоалари ўзаро баҳс олиб борди.

Мазкур беллашувда амалдаги жаҳон чемпионлари иродали ўйин намойиш этиб, 3:2 ҳисобида ғалаба қозонди. Дастлаб, 15-дақиқада Яссер Иброҳим ҳисобни очди. Кейин эса Лионель Месси пенальтидан фойдалана олмади. 67-дақиқада Зико Мисрнинг иккинчи голини киритиб, жамоасининг устунлигини мустаҳкамлади.

Шундан сўнг Аргентина камбек бошлади. 83-дақиқада Кристиан Ромеро ва Лионель Месси гол уриб, мувозанатни тиклади. 90+3-дақиқада эса Энцо Фернандес жамоасига ғалаба келтирган гол муаллифига айланди.

Шу тариқа, Лионель Скалони шогирдлари чорак финалга йўл олди.