Мессининг Роналдуга етиб олиши янада қийинлашди

"Манчестер Юнайтед"нинг португалиялик ҳужумчиси Криштиану Роналду УЕФА Чемпионлар лигаси тарихидаги энг яхши тўпурарлар рўйхатида қолган рақобатчилари билан орадаги фарқни яна ошириб олди.

36 ёшли Роналду "Аталанта"га (2:2) қарши бўлиб ўтган ўйинда дубль муаллифига айланди ва ўзининг ушбу мусобақадаги жами голлари сонини 139 тага етказди. У айни дамда ўзининг бу борадаги энг яқин тақибчиси Лионель Мессини (ПСЖ) 15 та голга ортда қолдирмоқда.

УЕФА Чемпионлар лигаси тарихидаги энг яхши тўупарлар рўйхатида “Бавария” ҳужумчиси Роберт Левандовски кучли учликни якунлаб турибди. Унинг ҳисобида 81 та гол мавжуд.