"Sherif" yirik hisobda g‘alaba qozondi. Yaxshiboev 59-daqiqada zaxiraga olindi

Moldova chempionati 17-turidan o‘rin olgan  "Sherif" – "Zimbru" uchrashuvi yakunga etdi. Mazkur bahsda maydon egalari yirik 6:0 hisobida g‘alaba qozondi. 

Mezbonlar safida Kastaneda, Till, Arboleda, Xalid, Traore va Kojokaru gol urishga muvaffaq bo‘ldi. 

Ushbu natijadan so‘ng legionerimiz to‘p tepayotgan jamoa ochkolari sonini 34 taga etkazib olib, Moldova chempionati turnir jadvalida 2-o‘ringa ko‘tarilib oldi.