Таэквондо WТ. Тошкентда 4 та терма жамоа йиғин олиб бормоқда
Javohir Malikov
Пойтахтимиз 4 та терма жамоа иштирокидаги халқаро қўшма ўқув-машғулот йиғинига мезбонлик қиляпти
Таэквондо WТ бўйича Ўзбекистон миллий терма жамоаси 1 апрель куни Тошкент шаҳридаги ассосиациямиз базасида навбатдаги ўқув-машғулот йиғинини бошлади.
Худди шу санадан пойтахтимизда Бразилия, Венгрия ҳамда Саудия Арабистони терма жамоалари ҳам катта таркибда машғулотларга киришди. Қўшма йиғин 17 апрель санасига қадар давом этади.
Машғулотларда 4 та терма жамоадан жами 79 нафар спортчилар иштирок этмоқда. Таъкидлаш жоиз, мазкур қўшма ўқув-машғулот йиғини таэквондочилар учун олдинда турган муҳим мусобақалар олдидан муносиб тайёргарлик вазифасини бажариб беради.
Бу ҳақда Ўзбекистон таэквондо WТ ассоциацияси хабар бермоқда.
Изоҳлар (0)