Месси Жаҳон чемпионатидан сўнг фаолиятини якунлайдими?

Аргентина терма жамоаси ва ПСЖ клуби юлдузи Лионель Месси 2022 йилда Қатар яшил майдонларида бўлиб ўтадиган жаҳон чемпионатидан сўнг фаолиятини якунлаш тўғрисидаги саволга жавоб берди.

— Йўқ, ростини айтсам, йўқ. Мен билан содир бўлган ҳамма нарсадан кейин кундан кунга, йилдан йилга шунчаки яшашни ўрганяпман. Олдиндан ҳеч нимани режалаштирмаяпман. Жаҳон чемпионатидан кейин нима бўлишини билмайман, бу ҳақда ўйламайман",-деди Месси.

Маълумот ўрнида, Лео август ойида 17 йиллик фаолиятидан сўнг, "Барселона"дан ПСЖ клубига келиб қўшилганди. Парижликлар сафида ўтказган 8 ўйинида у 3 та гол уришга муваффақ бўлди.

34 ёшли ҳужумчи ёзда Аргентина терма жамоаси билан узоқ кутилган "Копа Америка" бош совринини қўлга киритди.