"Странджа". Жаҳонгир Зокиров рақибини нокаутга учратди

Бироздан сўнг Болгариянинг София шаҳрида бўлиб ўтаётган “Strandja” халқаро турнирининг ярим финал жанглари старт олади.

Бугун мусобақада доирасида 12 та баҳсда, 14 нафар боксчимиз ринга кўтарилишади. Ушбу жанглардан онлайн натижаларни сайтимиз орқали кузатиб боришингиз мумкин!

Аҳамиятли томони, -54 кг ва -75 кг вазнлардаги жангларда вакилларимиз қарама-қаршилигига гувоҳ бўлишингиз мумкин.

+92 кгда жанг қилган вакилимиз Жаҳонгир Зокиров грузиялик Николаз Бегадзе билан рингга кўтарилди. Зокиров ушбу жангда рақибини нокаутга учратди ва финалга йўл олди.

-86 кгда ўзбекистонлик Самандар Жалолов украиналик Павло Мичковскйи жанги бўлиб ўтди. Тўлиқ давом этган жангда Мичковскйи 3:2 ҳисобида ғалаба қозонди ва фианлга чиқди, Жалолов эса ярим финалда тўхтади.

-75 кг вазнда икки ўзбекистонлик боксчилар Фазлиддин Эркинбоев ва Жавоҳир Умматалиев жанг қилди. Ушбу қарама-қаршиликда Жавоҳир Умматалиевнинг қўли баланд келди ва финалга йўл олди.

-71 кг вазн тоифасида ўзбекистонлик боксчи Иқболжон Ҳолдоров ҳиндистонлик Акашга қарши жанг ўтказди. Вакилимиз ушбу жангда 3:2 ҳисобида ғалаба қозониб, финалга чиқди.

-63,5 кг вазнда Адҳамжон Муҳиддинов  украинаилик Ярослав Ҳарцизга қарши рингга кўтарилди. Жангда Муҳиддинов  3:2 ҳисобида ғалаба қозониб, финалга чиқди.

-60 кгда яна бир боксчимиз Абдумалик Халоков арманистонлик Артур Саҳакянга қарши жанг қилди. Ўта қизиқарли кечган жангда Халоков 5:0 ҳисобида ғалабани тантана қилди ва финалга йўл олди. 

-60 кг вазн тоифасида вакилимиз Дилшод Абдумуродов ва Асрор Воҳидов (Тожикистон) жанги якунланди. Деярли тенг курашлар остида кечган беллашувда Абдумуродов 3:2 ҳисобида имкониятни бой берди ва мусобақадаги юришини тўхтатди.

-57 кг вазн тоифасида Шаҳзод Музафаров мўғулистонлик Энҳ-Амар Ҳарҳууга қарши рингга кўтарилди. Вакилимиз ушбу жангни 5:0 ҳисобида ўз фойдасига ҳал қилди ва финалга йўл олди. 

-51 кггача бўлган вазн тоифасида ўзбекистонлик Асилбек Жалилов - қўшни Қозоғистон вакили Санжар Ташкенбайга қарши жанг қилди. Иккала спортчи ҳам очиқча жанг қилди. Тўлиқ давом этган жангда Ташкенбай 3:2 ҳисобида ғалаба қозониб, финалга йўл олди.

-57 кг ўратсида бўлиб ўтган Ҳуморабону Мамажонова - Светлана Каменова (Болгария) жанги ҳам ўта шиддатли тарзда кечди. Ушбу жангда вакиламизга бироз омад етишмади ва ўз юришини ярим финалда тўхтатадиган бўлди. Якуний ҳисоб Каменова фойдасига 5:0 кўриниш олди.

-50 килограмгача бўлганлар ўртасидаги вакилимиз Сабина Бобоқулова хитойлик Ву Ю ўртасидаги жанг якунланди. Кескин ва шиддатли ўтган жангнинг биринчи роундида Ву Ю устунлик қилган бўлса, иккинчи роунд вакилимиз фойдасига ёзилди. Учинчи роундда эса Бобоқулова жанг тақдирини ўз фойдасига ҳал қилди. Якуний ҳисоб 4:1 кўринишди якунланди ва вакилимиз финлга йўл олди.

Воқеалар ривожини бизда кузатиб боринг!