Моуриньо "Реал"га қайтиши мумкинлиги ҳақидаги хабарларга муносабат билдирди

"Манчестер Юнайтед" клуби бош мураббийи Жозе Моуриньо ўзининг "Реал"га қайтиши мумкинлиги борасидаги миш-мишларга муносабат билдириб ўтди.

“Мен испан журналистлари билан гаплашишни хоҳламайман, чунки, уларни фақатгина “Реал” Мадрид ва Роналду қизиқтиради. Мен ҳозир бу ерда бахтлиман ва шартномамни бажаряпман. Мен хатто шартнома муддатим якунланганидан сўнг ҳам шу ерда қолишни истайман. Ҳаёлим фақат “Юнайтед”да”, - дейди португалиялик мутахассис.

Эслатиб ўтамиз, бундан аввалроқ “Реал” президенти Флорентино Перес жамоага яна Моуриньони қайтариш истагида эканлиги борасида хабарлар тарқалган эди.