Агуэро ўрнини супертўпурарга бўшатиб беради

“Манчестер Сити” раҳбарияти ёши ўтиб қолаётган ва жароҳатларга мойил бўлган Серхио Агуэро ўрнига янги ҳужумчи қидирмоқда. Гвардиола қўл остидаги Габриэль Жезус тўпурар ҳужумчи сифатида аргентиналик форвард даражасига кўтарила олмаганини ҳам билдирди.

Аввалроқ, Хосеп Гвардиола жамоасига “Барселона”дан кетиши  кутилаётган Лионель  Месси келиши ҳақида хабарлар тарқатилган эди. Бартомеу “Барса” бошқарувидан кетганидан кейин Каталония клубида вазият ўзгармоқда ва Мессининг қолиши учун умид пайдо бўлди.

Молиявий жиҳатдан ўзига тўқ бўлган “шаҳарликлар” асосий ҳужумчи вазифасига икки суперҳужумчи – Килиан Мбаппе ёки Эрлинг Холанд номзодини ўрганиб чиқмоқда.

Ёзги трансферлар мавсумида Мбаппе ва Холанднинг бозори қаттиқ қайнайди. Чунки бу ҳужумчилар учун кучли бешлик чемпионатлари грандлари ҳозирдан рақобатни бошлади.

Матнда хатолик топсангиз, ўша хатони белгилаб, бизга жўнатинг (Ctrl + Enter)