Альберто Морено "Ливерпул"да қолишни истамаяпти

"Ливерпуль" ҳимоячиси Альберто Морено клуб билан амалдаги шартномасини узайтиришни истамаяпти. Бу ҳақда Goal.com интернет нашри хабар бермоқда.

Унга кўра 26 ёшли испаниялик футболчи жорий мавсум якунида, яъни мерсисайдликлар билан амалдаги шартномаси ниҳоясига етгач доимий ўйин амалиётига эга бўлиш учун бошқа жамоага ўтиб кетмоқчи.

Маълумот учун, Морено “Ливерпуль” сафида 2014 йилдан буён тўп суриб келмоқда. У ўтган давр мобайнида жами 137та ўйинда майдонга тушиб ўз ҳисобига 3та гол ҳамда 11та голли узатма ёздириб қўйишга эришган.