"Барселона" Дибала учун 250 млн евро беришга тайёр

“Барселона” клуби раҳбарияти “Ювентус” ҳужумчиси Пауло Дибалани ўз сафига қўшиб олишни режалаштирмоқда. Goal нашри тарқатган хабарга кўра, каталон клуби ҳозирда 24 ёшли аргентиналик футболчини Лионель Мессига муносиб ўринбосар сифатида қарамоқда.

“Кўк-анорранглилар” бунинг учун нақд 250 миллион евродан кечишга ҳам тайёр.

Дибала “Ювентус”да 2015 йилдан бери тўп суриб келмоқда. У “кекса синьора” сафида уч марта Италия чемпионлигини қўлга киритган. Бу мавсум эса Дибала “Ювентус”да 11 ўйинда 5 голга муаллифлик қилган.