"Барселона" Карлос Велани яна Европага қайтармоқчи

АҚШнинг "Лос-Анжелес" клубида фаолият олиб бораётган Карлос Вела яна Испанияга қайтиши мумкин.

Diario Sport нашри тарқатган хабарга кўра 29 ёшли мексикалик футболчига “Барселона”дан жиддий қизиқишлар бўлмоқда. Таъкидлаш керакки, яқиндагина Мунир Эль-Хаддадини “Севилья”га сотиб юборган “кўк-анор ранглилар” унинг ўрнига муносиб ҳужумчи излашмоқда.

Маълумот учун, Вела ўтган мавсум  "Лос-Анжелес" сафида жами 28та ўйинда майдонга тушиб, ўз ҳисобига 14та гол ва 10та голли узатма ёздириб қўйишга эришган.

Эслатиб ўтамиз, Вела фаолияти давомида "Арсенал", "Вест Бромвич", "Сельта" ва "Реал Сосьедад" каби Европа клубларида тўп сурган.