"Buxoro" nazorat uchrashuvida Tojikiston klubini engdi

Xabaringiz bor yana sanoqli kunlardan so‘ng mamlakatimiz Superligasining yangi mavsumi start oladi.

Shu bois elitada ishtirok etuvchi klublar ayni kunlarda so‘nggi tayyorgarlik jarayonini o‘tkazishmoqda. Jumladan, Baxtiyor Ashurmatov boshchiligidagi “Buxoro” klubi bugun qo‘shni Tojikistonning “Xo‘jand” klubiga qarshi nazorat uchrashuvida maydonga tushdi va

Firdavs Asadov hamda Akrom Bahritdinovlar kiritgan gollar evaziga 2:1 hisobida g‘alaba qozondi.

Eslatib o‘tamiz, “Buxoro” yangi mavsumning ilk turini 9 mart kuni Olmaliqda AGMKga qarshi o‘tkazadi.