Дембеле "Барселона"дан кетишга жуда яқин

Каталониянинг "Барселона" клуби вингери Усмон Дембеле жамоадан кетишга яқин турибди. Бу ҳақда испан нашрларига таяниб goal.com сайти хабар бермоқда.

Унга кўра 21 ёшли франциялик футболчи “Камп Ноу”га келганидан буён нафақат жамоанинг ўйин услубига мослаша олмади, балки жамоа етакчилари билан ҳам тил топишолмади. Шу боисдан ҳам у яқинлашиб келаётган қишки трансферлар даврида бошқа жамоаларнинг таклифини кўриб чиқишга тайёр.

Маълумот учун, Дембеле “Барселона” сафига 2017 йил Дортмунднинг “Боруссия” клубидан кўчиб ўтган эди. У ўтган давр мобайнида “кўк-анор ранглилар” сафида жами 34та баҳсда иштирок этди ва ўз ҳисобига 9та гол ҳамда 8та голли узатма ёздириб қўйишга эришди.