Эрон терма жамоасидан кетган Кейрушнинг янги иш жойи маълум бўлди

Осиё кубогидаги муваффақиятсизликдан сўнг Эрон терма жамоасидан кетган Карлуш Кейруш шартнома имзолаш учун Колумбияга етиб келди.

“Бу ерда эканимдан хурсандман ва менга таклиф билдиришгани учун футбол федерациясига ўз миннатдорчилигимни билдираман”, - дейди португалиялик мутахассис.

Маълумотларга қараганда Кейруш Колумбия терма жамоаси билан 2022 йилга қадар шартнома имзолаган. Унинг ушбу терма жамоадаги дебютини 22 март куни Японияга қарши баҳсда ўтказади.