Ertaga Xalqaro dzyudo federatsiyasi Prezidenti Toshkentga tashrif buyuradi
Ertaga, 7 dekabr kuni Toshkentga Xalqaro dzyudo federatsiyasi Prezidenti Marius Vizer (Avstriya) hamda uning yordamchisi Viktor Floresku (Moldova) keladi.
Ular mamlakatimizga tashrifi doirasida, 8 dekabr kuni “Osiyo dzyudo markazi” sport majmuasida O‘zbekiston dzyudo federatsiyasi rahbarlari va Olimpiya shon-shuhrati muzeyida O‘zbekiston Respublikasi jismoniy tarbiya va sport davlat qo‘mitasi raisi Rustam Qurbonov bilan uchrashadi.
Shuningdek, 9 dekabr kuni Xalqaro dzyudo federatsiyasi delegatsiyasi O‘zbekiston Milliy olimpiya qo‘mitasiga tashrif buyuradi. Bu erda Marius Vizer va Viktor Floreskuni MOQning bosh kotibi Oybek Qosimov qabul qiladi.
Fikrlar