Греция терма жамоаси бош мураббийи истеъфога чиқарилди

Греция терма жамоаси бош мураббийи Михаэль Скиббе ўз лавозимидан озод этилди. Бу ҳақда мамлакат футбол федерацияси расмий сайти хабар бермоқда.

Унга кўра 53 ёшли мутахассиснинг истеъфосига сўнгги пайтларда терма жамоанинг қайд этаётган қониқарсиз натижалари сабаб бўлган. Таъкидлаш керакки, Греция УЕФА Миллатлар лигасининг ўтган 4та туридан сўнг 6 очко тўплади ва мантиқан гуруҳдан чиқиш имкониятини йўқотди.

Энди Греция терма жамоасини маҳаллий мураббий Ангелос Анастасиадис бошқариб боради. У билан 2020 йилга қадар шартнома имзоланди.