Гвардиола "Манчестер Сити"нинг муҳим футболчиси кимлигини айтди

"Манчестер Сити" клуби бош мураббийи Хосеп Гвардиола кеча "Бёрнли"га (5:0) қарши баҳсда қўлга киритилган йирик ғалабадан сўнг ўз фикрларини билдириб ўтди. У ўз нутқида бразилиялик ярим ҳимоячи Фернандиньони мақтаб ўтди.

“Фернандиньо бугун жуда тезкор ўйин кўрсатди. У шубҳасиз бизнинг энг муҳим футболчиларимиздан бири. Бугунги ўйинда у жуда яхши ўйин кўрсатди, ҳужумда ҳам, қанотларда ҳам ва ярим ҳимояда ҳам ҳаракат қилди. У тўпни эгаллаган ҳар қандай вазиятда бор маҳоратини ишга солади.

Фернандиньо фаолиятидаги энг зўр мавсумлардан бирини ўтказмоқда. У биз учун муҳим футболчи”, - дейди Гвардиола.