Интернетда Кокорин ва Мамаев иштирокидаги жанжал акс этган видео пайдо бўлди

Аввал хабар берганимиздек Санкт-Петербургнинг "Зенит" клуби ҳужумчиси Александр Кокорин ва "Краснодар" ярим ҳимоячиси Павел Мамаев ҳамда унинг дўстлари кеча Россиянинг Биринчи канал бошловчиси Ольга Ушакованинг ҳайдовчисини Виталий Соловчук ва автомобил саноати департаменти директори Денис Пакни дўппослашган эди.

Бугун эса улар полиция томонидан қўлга олинди. Интернетда ушбу воқеа акч этган видео тарқалиб кетди.

Хабарларга қараганда полиция бугун ушбу икки зўравон футболчиларни сўроққа тутишни бошлайди.

Қайд этиш лозимки, “Зенит” ҳам, “Краснодар” ҳам ушбу ҳолатдан сўнг ҳар иккала футболчи билан ҳам шартномаларни бекор қилишни режалаштирмоқда.