Кариус "Бешиктош"га ҳам керак эмас

Мавсумни ижара асосида "Бешиктош"да ўтказаётган дарвозабон Лорис Кариус қишда яна "Ливерпул"га қайтади.

Team Talk нашри тарқатган хабарга қараганда турк клуби раҳбарияти германиялик посбоннинг кўрсатаётган ўйинларидан ранжимоқда ва қишда уни ортга қайтариб, ўрнига мерсисайдликлардан бельгиялик ҳужумчи Дивок Оригини сўрамоқчи.

Эслатиб ўтамиз, “Бешиктош” Кариусни ёзда “Ливерпул”дан 2 йилга ижарага олган эди. У жорий мавсум 14та ўйинда иштирок этиб, ўз дарвозасидан 9та гол ўтказиб юборган.