"Liverpul" hujumchisi uzoq muddatga diskvalifikatsiya qilinishi mumkin

"Liverpul" klubi forvardi Deniel Starrij uzoq muddatga diskvalifikatsiya qilinishi mumkin. Bu haqda Goal.com xabar bermoqda.

Unga ko‘ra 29 yoshli futbolchi Angliya futbol assotsiatsiyasi qoidalariga xilof ravishda futbol o‘yinlariga pul tikishda gumonlanmoqda. Aniqrog‘i, Starrij joriy yilning yanvar oyida 2ta o‘yinga pul tikkan. Hozircha ushbu o‘yinlar qaysi ekanligi ma’lum emas.

Ma’lumot uchun, Starrij joriy mavsum “Liverpul” safida jami 12ta o‘yinda maydonga tushib, o‘z hisobiga 4ta gol hamda 1ta golli uzatma yozdirib qo‘yishga erishgan.