Манчини Лондон клубини қабул қилиб олишга тайёрланмоқда
"Манчестер Сити"ни бошқариб, ушбу жамоани Англия чемпионига айлантирган италиялик мураббий Роберто Манчини яна АПЛга қайтишга ҳаракат қилмоқда.
"Манчестер Сити"дан кейин "Галатасарой" ва "Интер" жамоаларида муваффақиятга эришолмаган мураббий "Вест Хэм" ва "Манчестер Сити" ўртасидаги учрашувни кузатиш учун Англияга келган.
Маълумотларга қараганда, "Вест Хэм" ёзда бош мураббий Билич билан ҳамкорликни тўхтатади. Манчини айни пайтда хорватиялик мураббийнинг ўрнида ишлаш учун вазиятни ўрганмоқда.
Бундан ташқари, Роберто Манчини "Арсенал" ва "Уотфорд" учрашувларини ҳам кузатди. Кейинги пайтда "Арсенал" бир неча йиллардан буён чемпионликка эрига олмаётган Арсен Венгернинг ўрнига янги мураббий олиб келиши ҳақида маълумотлар кўпайиб бормоқда. Манчини "Арсенал"ни ҳам бошқариши мумкинлиги айтилмоқда.
Фикрлар