Месси бугунги машғулотларда қатнашмади, аммо у "Реал"га қарши ўйнай олади
Хабарингиз бор бундан аввалроқ “Барселона” сардори Лионель Месси Ла Лиганинг “Валенсия”га қарши баҳсида кичик жароҳат олгани ва шу боис 6 февралда “Реал” Мадридга қарши бўлиб ўтадиган Испания кубоги ярим финал дастлабки учрашувида иштирок эта олмаслиги мумкинлиги ҳақида хабарлар тарқалган эди.
Sport.es нашри тарқатган хабарга кўра 31 ёшли аргентиналик футболчи жамоасининг бугунги машғулотларида иштирок этмаган. Бироқ, бу унинг жароҳати билан боғлиқ эмас. Шу сабабли Месси “Реал”га қарши ўйинда “Барселона”га ёрдам бера олади.
Эслатиб ўтамиз, навбатдаги “Эл-класико” 6 февраль куни “Камп Ноу”да бўлиб ўтади.
Фикрлар